ЦХИНВАЛ, 6 мар — Sputnik. Полицийы иууыл рӕсугъддӕр сылгоймаг-кусӕджы равзардзысты Цӕгат Ирыстоны, конкурс "Полицийы фидыц ӕмӕ хъару"-йы финалон фӕлварӕнтӕ ацӕудзысты Дзӕуджыхъӕуы къуырисӕры, хъусын кӕны РИА Новости республикон МХМ-ы информацимӕ гӕсгӕ.
"Развӕлгъау фӕлварӕнтӕм гӕсгӕ, финалмӕ бацыдысты 12 адӕймаджы. Акци хӕссы патриотикон здӕхт ӕмӕ нывонд у ӕрмӕст сылгоймӕгты боны цытӕн нӕ, фӕлӕ Дзӕуджыхъӕу фашистон тыхӕйисджытӕй ссӕрибар кӕныныл 75 азы кӕй сӕххӕст, уымӕн дӕр", — дзырдӕуы хъусинаджы.
Полицийы сылгоймаг-кусджыты ӕхсӕн профессионалон дӕсныйады конкурс уагъд цӕуы Цӕгат Ирыстоны мидхъуыддӕгты министр Михаил Скоковы хъӕппӕрисӕй, дзырдӕуы хъусинаджы.
МХМ-ы информацимӕ гӕсгӕ, финалы хайадисджытӕ ерыс кӕндзысты фондз номинацийы, кӕцыты ӕхсӕн — кӕфтытӕ ӕмӕ дефиле.
