ЦХИНВАЛ, 6 мар — Sputnik. НТВ-ы зындгонд телепроекты амонӕг Джон Уоррен ногӕй ӕрцӕуы Хуссар Ирмӕ. Йемӕ базонгӕйы ӕмӕ ног сезоны алӕвӕрды хайад райсыны фадат ис алкӕмӕн дӕр, фехъусын кодта Уӕрӕсейы уӕвӕг Хуссар Ирыстоны минӕварады пресс-службӕ.
"Ӕнхъӕлмӕ уӕм кӕсӕм райсом 9 сахатыл Хетӕгкаты Къостайы скверы. Ирыстонмӕ Джон Уоррены балцы бӕстондӕр программӕимӕ уӕ базонгӕ кӕндзыстӕм райсом", — загъта минӕварады пресс-секретарь.
Джон Уоррен ма уыд Хуссар Ирыстоны 2014 азы. Ацы хатт та НТВ-ы исӕн къорд ӕрхуыдта РХИ-ы минӕварад Уӕрӕсейы Федерацийы.
Джон Уоррены авторон алӕвӕрд "Поедем, поедим!" у ӕппӕт дунейыл хиирхӕфсӕн ӕмӕ кулинарон балц.
Алӕвӕрды сӕйраг хъайтартӕ сты хъӕуты цӕрджытӕ, цуангӕнджытӕ ӕмӕ кӕсагахсджытӕ, ӕндӕр ӕмӕ ӕндӕр адӕмы ӕмӕ адӕмыхӕттыты минӕвӕрттӕ. Алкӕмӕ дӕр сӕ ис ӕнӕниз ӕмӕ хӕрзад хӕринӕгты прецепттӕ, кӕцытӕ уыдон раргом кӕндзысты НТВ-ы кӕсджытӕн.
