ЦХИНВАЛ, 7 мар — Sputnik, Плиты Фатимæ. Хуссарирыстойнаг сылгоймæгтæн 8-æм марты бæрæгбоны фæдыл раарфæ кæндзæн зынгæ уæрæсейаг эстрадон зарæггæнæг Катя Лель, фехъусын кодтой Sputnik культурæйы министрады пресс-службӕйы.
Катя Лель Цхинвалмæ æрцæудзæн дыккаг хатт. Уый ма ардӕм фӕуазӕг 2009 азы ноябры ӕмӕ радта концерт хицауады рабадтыты стыр залы.
"Сылгоймæгты ӕхсæнадæмон боны цытæн 8 марты киноконцертон зал "Чермен"-ы сценæйыл айзæлдзысты зындгонд зарæггæнæджы хиттæ æмæ ног зарджытæ дæр", — банысан кодта министрады пресс-секретарь Остъаты Мӕдинӕ.
Уæрæсейаг эстрадон зарæггæнæг Катя Лельӕн йæ ном айхъуыст 2003 азы, уæд фæзындысты йæ хъуыстгонд хиттæ "Мой мармеладный", "Долетай", "Муси-Пуси". Иу азы фæстæ уый бацис Уæрæсейы националон премитӕ "Золотой граммофон"-ы æмæ "Стопудовый хит"-ы хицау. Зарæггæнæг ма цалдæр хатт ссис премитæ "Серебряный диск", "Лучший дуэт года", "Песня года" æмæ "Бомба года"- йы лауреат дӕр.
