ЦХИНВАЛ, 9 мар — Sputnik. Хуссар Ирыстоны президент Тыбылты Леонид ног къуыри Мӕскуыйы фембӕлдзӕн уӕрӕсейаг лидер Владимир Путинимӕ, хъусын кӕны РИА Новости.
Республикӕйы сӕргълӕууӕджы пресс-службӕйы ацы информаци бафидар кодтой, зӕгъгӕ, дыууӕ бӕстӕты лидерты фембӕлд нывӕзтгонд у 14 мартмӕ.
"Президенттӕ ӕруынаффӕ кӕндзысты дыууӕварсон ахастыты фӕдыл фарстытыл. Уымӕй дарддӕр ма Тыбылты Леонид Владимир Путины хъусдармӕ фӕхӕццӕ кӕндзӕн информаци, 9 апрелы нӕ республикӕйы президентон ӕвзӕрстыты ӕмрӕнхъ уагъд кӕй ӕрцӕудзӕн референдум Хуссар Ирыстоны ном Аланимӕ раивыны фӕдыл", — загъта Sputnik президенты пресс-секретарь Гана Яновская.
