ЦХИНВАЛ, 9 мар — Sputnik. Президенты бынатмæ претендент Багаты Амиран радта цыппæрæмы лингвистон фæлварæн, кæцы у æнæмӕнгхъæуæг президенты бынатмæ кандидаттæй алкæмæн дæр. Sputnik Багаты Амираны æвзæрстагъоммæ штабы загътой, къамис ын кӕй нывæрдта "хыгъд".
"Фæлварæны Амиран чысыл тыхстис. Рагæй нал дæтта фæлварæнтæ, уæлдайдӕр та ахæм квалификацион æвзагзонджыты раз. Фæлварæны фæстиуджытæм гæсгæ Амиран райста "хыгъд" дыууæ æвзагæй дæр", — загътой штабы.
Президенты бынатмæ æппæт кандидаттæ фæлварæны рæстæджы фыссынц диктанттæ ирон æмæ уырыссаг æвзæгтыл. Æвзӕгты зонындзинад бæлвырд кæнынц дзыхæй фæлварæны руаджы билеттæм гæсгæ.
