ЦХИНВАЛ, 17 мар — Sputnik. Цæрæн-коммуналон техникæйы равдыст фыццаг хатт ацыд Цхинвалы. Мадзалы организатор у Хуссар Ирыстоны столицæйы мэрияйы ЦКХ-ы управлени республикæйы коммуналон службæты кусæджы боны цытæн, кæцы нысан цæуы 2012 азы 17 мартæй.
Равдыстмӕ фӕуазӕг республикӕйы президент Тыбылты Леонид дӕр ӕмӕ раарфӕ кодта ЦКХ кусджытӕн сӕ бӕрӕгбоны фӕдыл.
Равдысты хайадисӕг машинӕтӕм бакӕсынмӕ фылдӕрбӕрцӕй ӕрбацыдысты Цхинвалы скъолаты хистӕр кълӕсты ахуыдзаутӕ. Уӕлдай цымыдис уыдонмӕ сӕвзӕрын кодта ӕфснайӕн техникӕ. Уыдон тыххӕй сын лыстӕггай радзырдта горӕты мэр Ӕлборты Алан.
"Мадзалы нысан у горӕты цӕрджыты базонгӕ кӕнын нӕ техникӕ ӕмӕ йӕ функцитимӕ. Уыдон фӕрцы ЦКХ кусджытӕн фадат ис нӕ горӕты уынгтӕ сыгъдӕгӕй дарынӕн", — радзырдта Sputnik горӕты ЦКХ сӕргълӕууӕг Тыбылты Геннадий.
Равдыстмӕ ӕрбацӕуджытӕн сӕ бон уыд уӕзласӕн машинӕты салонтӕм бахизын, ӕдӕппӕт мадзалы уыд 30 иуӕджы бӕрц алыгъуызон техникӕ ЦКХ арсеналӕй. Управленийы инженертӕ ӕмӕ техниктӕ лӕмбынӕг дзырдтой алкӕцы моделы тыххӕй дӕр ӕмӕ ӕвдыстой, цы хуызы дзы гӕнӕн ис спайда кӕнын.
