ЦХИНВАЛ, 21 мар — Sputnik. Ӕппæтадæмон митинг "Алани стабилондзинады æвварс" æрæмбырд кодта 3000 адæймаджы. Ахæм бæрæггæнæнтæ Sputnik æрбавдыстой республикæйы МХМ-ы.
"Митинг ацыд сабыр, хæларадон уавæры", — загъта Sputnik МХМ-ы сæргълæууæджы хæдивæг Кокойты Тарзан.
Фырсыгъдæг Мад Майрæмы аргъуаны раз политиктæ, партиты лидертæ æмæ интеллигенцийы минæвæрттæ æрсидтысты æхсæнадмæ президентон æвзæрстытæ уадзыны рæстæджы стабилондзинад æмæ сабырдзинад хъахъæнынмæ.
Сæ раныхæсты спикертæ нысан кодтой, æвзарæн фадгуытæм цæрджыты максималон нымæцы æрбацыды æнæмæнгхъæуæгдзинад, уымæн æмæ 9 апрелы президентон æвзæрстытæй дарддæр Хуссар Ирыстоны уагъд æрцæудзæн ахсджиаг историкон цау — республикæйы ном аивыны фæдыл референдум.
Адæм митингмæ æрбахастой Тыбылты Леониды портреттæ, националон тырыса æмæ республикæйы сæргълæууæджы фарс хæцынæн плакаттæ æмæ лозунгтæ.
Президент йæхæдæг ис визитимæ Мæскуыйы, цы ран уымæн ис фембæлд Уæрæсейы Федерацийы президент Владимир Путинимæ.
