ЦХИНВАЛ, 31 мар — Sputnik. Гуырдзыстоны æмбæстæгтæй цыппары æрурæдтой хуссарирыстонойнаг арæнхъахъхъæнджытæ, республикæйы паддзахадон арæны хаххыл æнæзакононæй куы рахызтысты, уый фæстæ, фехъусын кодтой Sputnik Паддзахадон æдасдзинады комитеты пресс-службæйы.
Фæткхалджыты æрцахстой æртыццæджы Ленингоры районы Орчъосаны хъæуы цур.
"Равзæрсты рæстæджы рабæрæг, фæткхалджытæ кæй сты Зегдулеты хъæуы цæрджытæ — 1954 азы гуырд Мандзулашвили Л. æмæ 1946 азы гуырд Мандзулашвили С., Гуры районы Квемо-Чалайы цæрæг, 1955 азы гуырд Меладзе Н. æмæ Мцхетайы районы Цихисдзирийы хъæуккаг 1957 азы гуырд Елхъанты Т.", — банысан кодтой ПӔК-ы.
Ведомствæйы Арæнгæрон службæ кусы æрмæджытæ тæрхондонмæ адæттыны фарстыл.
