Калоты Виталийы тыххæй документалон роман рацыд мыхуыры Мæскуыйы

© AFP 2022 / KAZBEK BASAYEVКалоев
Калоев - Sputnik Хуссар Ирыстон
Бафыссын
НовостиTelegram
Бонены цады сæрмæ авиакатастрофæйы цы ирыстойнаг аразæджы бинонтæ бабын сты, уыдон тыххæй чиныджы автор документалон роман фыста Калоты Виталийы хайадистæй

ЦХИНВАЛ, 3 апр — Sputnik. Калоты Виталийы тыххæй документалон роман "Столкновение" фæзындзæн чингуыты дуканиты апрелы æмбисы. Уый тыххæй чиныджы автор, фыссæг æмæ журналист Ксения Каспари фехъусын кодта йæ аккаунты Facebook.

"Балхынцъ кодтон Калоты Виталийы тыххæй чиныг фыссын. Фыст æрцыд Калоты Виталийы комкоммæ хайадистæй. Уый фыццаг бакаст чиныг æмæ йæ банымадта хорзыл. Стыр бузныг ын зæгъын йе 'ууæнк æмæ æргомдзинады тыххæй", — дзуры Каспари.

Автор ма æрæмбырд кодта, катастрофæйы хæдфæстæ фыццаг бонты æмæ авиадиспетчеры лæгмарды фæдыл равзæрсты рæстæджы сæйраг хъайтары фарсмæ чи лæууыд, уыцы адæмы мысинæгтæ.

Трейлер фильма Последствия с Шварценеггером в роли Виталия Калоева - Sputnik Хуссар Ирыстон
Фильм "Последствия"-йы трейлер Шварценеггеримӕ Калоты Виталийы ролы

"Сахуыр кодтон авиакатастрофæйы фæдыл тынг бирæ документтæ, Калоты Виталийы æмæ йæ хъуыддаджы фæдыл æвдисæнты æрфарстты протоколтæ. Уый уыд егъау æмæ вазыгджын куыст æмæ мын æхсызгон у, кæронмæ йæ кæй ахæццæ кодтон", — дзуры Каспари.

Роман "Столкновение"-йы авторимæ интервью æввахс рæстæджы рацæудзæн Sputnik Хуссар Ирыстоны.

Майрæмбоны Калоты Виталийы историмæ уыд здæхт æхсæнады хъусдард нывæфтыд фильм "Последствия"-йы пресс-равдысты тыххæй Арнольд Шварценеггеримæ сæйраг ролы.

Равдысты цы журналисттæ уыд, уыдон банысан кодтой, Бодены цады сæрмæ трагедийы факттæ æмæ йæ фæстиуджытæ кæй уыдысты зыгъуыммæ. Бæрæг у æмæ фильмы автортæ иу хатт дæр кæй нæ ныхас кодтой Калоты Виталиимæ.

Ног хабӕртты лентӕ
0