ЦХИНВАЛ, 5 апр — Sputnik. Рагон алайнаг ингæн ссардтой Цæгат Ирыстоны Эльхоты дуæртты цур, археологтæ дзурынц, ныгæдыл иууыл къаддæрæй кæй цæуы 2 мин азы, хъусын кæны республикон МХМ.
Ныгæд ссардтой агурджытæ, кæцыты акци "Вахта памяти" ауадзынмæ æрхуыдта РЦИ-Аланийы МХМ-ы сæргълæууæг Михаил Скоков.
"Сахаты æмгъуыдмæ Эльхоты дуæртты цурмæ æрбатындзыдтой археологтæ, кæцытæ æрæмбырд кодтой æрмæг дарддæры иртæстты тыххæй. Ссарæггагыл иууыл къаддæрæй цæуы 2 мин азы, ис гæнæн æмæ у алайнаг культурæйы хай. Полицийы кусджытæ райстой арæхстджын мадзæлттæ — снысан кодтой координатæтæ, райстой мадзæлттæ дарддæры иртæстыты тыххæй ныгæд бахъахъхъæныны нысанæн", — фехъусын кодтой МХМ-ы.
Уæрæх агурæн операци "Вахта памяти" Цæгат Ирыстоны уагъд цæуы ныр дыккаг къуыри. Эльхоты дуæртты районмæ, цы ран 1942 азы цыд тугкалгæ тохтæ, æрцыдысты агурæн къордтæ æппæт Уæрæсейæ, афтæ ма Республикæ Казахстанæй.
Агурæн экспедици адарддæр уыдзæн 7 апрелы онг, уæдмæ волонтертæ агурдзысты советтон æфсæддонты мард буары хæйттæ.
