ЦХИНВАЛ, 12 апр — Sputnik. Хуссар Ирыстоны центрæвзаркъам скодта развæлгъау хатдзæгтæ æппæт æвзарæн фадгуыты бюллетентæ банымайыны фæстæ. Парламенты спикер Бибылты Анатолий фыццаг туры рамбылдта æвзæрстытæ хъӕлӕсты 54,8% райсгæйæ, загътой ЦӔК.
Президенты инаугураци нысан æрцыд 22 апрельмæ.
Хуссар Ирыстоны ном Аланимæ раивыны фæдыл та схъæлæс кодтой æвзарджыты 80%, йæ ныхмæ та 20%.
Хуыцаубоны Хуссар Ирыстоны ацыдысты президентон æвзæрстытæ æмæ республикæйы ном Аланимæ раивыны фæдыл референдум.
Æдæппæтæй æвзæрстыты бакодтой 77 æвзарæн фадыджы, уыдонæй фондз УФ территорийыл. Фæуæлахаиз уæвынæн кандидаты хъуыд райсын 50% чысыл фылдæр.
