ЦХИНВАЛ, 17 апр — Sputnik. Ленк кӕнынӕй ерыстӕ "День браса"-йы Спортивон галуан "Олимп"-ы хайад райсдзӕн 200 сывæллоны онг, фехъусын кодта Sputnik тренер Евгения Терлеева.
Ленк кæныны спорт Хуссар Ирыстоны у иууыл æвзонгдæр. Секцитæ дзы фæзындысты, спортивон галуан "Олимп" эксплуатацимæ лæвæрд куы рцыд, уæдæй фæстæмæ.
"Ерысты ацӕудзысты 23 апрелы, архайдзысты сӕ 2003 — 2008 азы гуырд спортсментӕ. Æдæппæтæй турнир æрæмбырд кæндзæн 200 ленкгæнæджы. 21 майы та нæм æнхъæлмӕ кæсынц комплексон ерыстæ", — радзырдта тренер.
Уый ма банысан кодта, æрыгон ленкгæнджытæн бонæй-бонмӕ кæй бæрзонддæр кæны сæ цæттæдзинад.
"Зынгæ фæхуыздæр ис сæ архайд. Стыр у сæ тырнындзинад, стæй æмбарынц, уыдон кæй амайынц Хуссар Ирыстоны ленк кæныны истори, уый", — бафтыдта йæ ныхæстæм Терлеева.
