ЦХИНВАЛ, 18 апр — Sputnik. Арæнхъахъхъæнджытæ къуырисæры æрурæдтой Хуссар Ирыстоны паддзахадон арæны режим фехалджыты, загътой Sputnik Паддзахадон æдасдзинады комитеты пресс-службæйы.
Арæнсæтджыты æрцахстой Цхинвалы районы арæнгæрон хъæу Арцеуы цур.
"Равзæрсты рæстæджы рабæрæг, фæткхалджытæ кæй сты Тбилисы 28-аздзыд цæрæг Георгий Баунаишвили æмæ Гуры районы Джариашенийы хъæуы цæрджытæ Реваз Сресели æмæ Леван Болаташвили", — загътой ПӔК-ы.
Уагдоны арæнгæрон службæ нывæнды æрмæджытæ тæрхондонмæ адæттын.
