ЦХИНВАЛ, 24 апр — Sputnik, Козаты Диана. Хуссар Ирыстоны хицауад суӕгъд кодта йе ‘ххӕстбартӕ, ног президент йӕ бынатмӕ кӕй бахызт, уый фӕдыл, министрты кабинет ныры сконды ӕрӕмбырд фӕстаг хатт.
Майрӕмбоны, 21 апрелы Бибылты Анатолий, кӕцы рамбылдта президентон ӕвзӕрстытӕ, бахызт йӕ бынатмӕ.
"Фыццаджыдӕр мӕ фӕнды зӕгъын сымахӕн бузныг иумӕйаг куысты тыххӕй. Нӕ бон цас уыд, уыййас мах архайдтам, цӕмӕй нӕ республикӕ размӕ цӕуа", — загъта хицауады сӕрдар Хъуылымбегты Доменти.
Раздӕр къорд чиновникы экс-президент Тыбылты Леониды командӕйӕ ссæрибар кодтой сӕ бынӕттӕ. Сæ нымæцы культурæйы министр Остъаты Мӕдинӕ, Ӕддагон разысгæрсты службæйы хистæр Гатыгкоты Сослан æмæ Ӕдасдзинады советы сӕрдар Плиты Анатолий.
Ӕдыппӕтӕй отставкӕйы ацыд министрты кабинетӕй 14 чиновникы.
Хицауады сӕрдар басаст, цы сӕ фӕндыд, уыдон се ‘ппӕт саразын кӕй нӕ бантыст,"кӕмдӕр не ‘ркастыстӕм лӕмбынӕг, фӕлӕ арахайдтам".
Ног командӕйӕн йӕ цӕст бауарзта ӕнтыстытӕ сӕ куысты.
Хицауады уӕнгтӕ сӕ хӕстӕ ӕххӕст кӕндзысты ног командӕйы снысанмӕ. Ног хицауад фидар ӕрцӕудзӕн дыууӕ мӕйы ӕмгъуыдмӕ.
