Зæлдфæлындæн комитеты кусджытæ Цхинвал срæсугъд кæндзысты 30 мин дидинæй. Зайæгойтæ ласт цæуынц Пятигорск æмæ Дзæуджыхъæуæй, фондз мин петунья та схъомыл кодтой Гудзабары хъæрмуаты, уыдон комитеты
кусджытæ райсом авд сахатæй фæстæмæ садзынц Къостайы скверы.
Номдзыд ирон поэты цырты рæбын газонтыл дидин калынц урс, бур æмæ фиолетон петуньятæ. Ногсагъд дидинты донхæр кæныц донласджытæ. Райсом та æвзонг чызджытæ ахиздзысты Фырсыгъдæг Мад Майрæмы аргъуанмæ хæстæг Сæрибардзинады фæзуатмæ дидинтæ садзынмæ.
