ЦХИНВАЛ, 28 апр — Sputnik, Хъотайты Мария. Хуссар Ирыстоны паддзахадон æдасдзинады комитет æрцахста æртæ цистернæ фауццаг бензинимæ, фехъусын кодтой Sputnik ведомствæйы пресс-службæйы.
ПӔК-ы минæвары ныхæстæм гæсгæ, 60 тоннæмæ æввахс бензин ахст æрцыд паддзахадон куыстуат "Югосетнефтепродукт"-ы территорийыл.
"Бæлвырд информацимæ гæсгæ, АИ-92 маркæйы бын республикæмæ ласт цæуы фауццаг æртаг, кæцы дзуапп нæ дæтты æрбавдыст документтæн. Ныртæккæ РХИ ПӔК Стандартизаци æмæ метрологийы комитетимæ уадзынц æртаджы лабораторон иртæст, уагъд цæуынц равзæрстагъоммæ мадзæлттæ", — банысан кодтой комитеты.
Ведомствæйы бафиппайдтой, бензинимæ цистернæтæ ахст кæй æрцыдысты Хуссар Ирыстонмæ æвзæр гъæд æртаджы продукци ма ′рбаласыны ныхмæ ПӔК-ы мадзæлтты фæлгæтты.
