Гергиты Валерий Мариинаг театры симфонион оркестримӕ ӕрцыд Дзӕуджыхъӕумӕ Мæскуыйаг XVI-æм куадзæны фестивалы сӕрмагонд поездыл. Цытджын маэстройыл, традицимӕ гӕсгӕ, сӕмбӕлдысты ӕртӕ уӕлибых ӕмӕ ирон бӕгӕныимӕ.
Гергиты Валерийы раз сӕ курдиат равдыстой Дзӕуджыхъӕуы иаивӕдты колледжы духовон оркестр ӕмӕ скрипкӕдзӕгъдджыты ансамблы ӕвзонг музыканттӕ.
Мариинаг театры симфонион оркестр концерттӕ ратдзӕн цӕгатирыстойнаг паддзахадон филармонийы ранӕуӕггонд сценӕйыл. Ӕдӕппӕт Мæскуыйаг XVI-æм куадзæны фестивалы фӕлгӕтты оркестр Дзæуджыхъæуы ауадздзӕн дыууæ концерты. Уыдонæй фыццаг уыдзæн хæрзаудæн — бакæсыны фадат ӕм уыдзæн музыкалон ахуыргæнæндæттæ æмæ аивæдты колледжы студенттæн æнæаргъæй.
Сӕйраг концерт та ацӕудзӕн изӕры авд сахатыл. Алкӕмӕн дӕр фадат уыдзӕн мадзалмӕ бакӕсын стыр экраныл, кӕцы уыдзӕн ӕвӕрд филармонийы агъуысты цур уынджы.
Дзӕуджыхъӕуӕй оркестр афӕндараст уыдзӕн Ставропольмӕ.
Мæскуыйаг XVI-æм куадзæны фестиваль нывонд у композитор Игорь Стравинскийы райгуырды 135 азы юбилейæн.
