ЦХИНВАЛ, 8 май — Sputnik. Хуссар Ирыстоны президент Бибылты Анатолий Уæлахизы боны агъоммæ фæуазæг Стыр Фыдыбæстæйон хæсты ветерантæм, фехъусын кодтой Sputnik паддзахады сæргълæууæджы пресс-службæйы.
Традицион акцийы фæлгæтты президент бабæрæг кодта Цхинвалы цæрæг ветеранты: Дзабиты Степан, Гæззаты Петр, Мария Олейник, Нарыкъаты Любовь, Ӕлборты Тамара æмæ Тедеты Николайы.
"Паддзахады сæргълæууæг сын раарфæ кодта æрбалæугæ бæрæгбоны цытæн, бабуц сæ кодта лæвæрттæй, радта сын паддзахадон хорзæхтæ, загъта сын бузныг сæ æнæмæлгæ хъæбатырдзинады тыххæй æмæ фидар æнæниздзинад æмæ хæрзиуджыты фæндиæгтæ", — банысан кодтой пресс-службæйы.
Фембæлдты рæстæджы ветерантæ загътой бузныг президентæн йæ хъусдарды тыххæй æмæ йын дзырдтой сæ фронты мысинæгтæ. Нарыкъаты Любовь балæвæр кодта президентæн хи къухæй арæзт Георгиаг лентæ.
