ЦХИНВАЛ, 11 май — Sputnik. Хуссар Ирыстоны арæнхъахъхъæнджытæ æрурæдтой Гуырдзыстоны æмбæстаджы паддзахадон режим фехалыны тыххæй, хъусын кæны Паддзахадон æдасдзинады комитеты пресс-службæ.
"9 майы РХИ æмæ Гуырдзыстоны паддзахадон арæны фадыгыл Цхинвалы районы Арцеуы хъæуы цур, паддзахадон режим фехалыны тыххæй арæнхъахъхъæнджыты къорд æрурæдта Гуырдзыстоны æмбæстаг Гуры районы Квешийы хъæуккаг, 1970 азы гуырд Коба Хубулашвилийы", — дзырдæуы ПӔК-ы хъусынгæнинаджы.
Уагдоны бамбарын кодтой, арæнсæттæгмæ кæй ницы документтæ разынд, уымæ гæсгæ ПӔК-ы Арæнгæрон службæ бæлвырд кæны фæткхалæджы гоймагдзинад.
