ЦХИНВАЛ, 15 май — Sputnik. Мæскуыйаг ӔЦСКы æрдæгхъахъхъæнæг Зæгъойты Алан бацыд Уæрæсейы футболон фæуæрæхдæргонд æмбырдгонды скондмæ 2017 азы Конфедерациты кубокыл, хъусын кæны агентад "Р-Спорт".
Мыхуыры орган куыд хъусын кæны, афтæмæй Зæгъойты Алан ацы аз уæрæсейаг æмбырдгонд командæйы сконды арвыста æрмæстдæр 17 минуты Бельгийы æмбырдгондимæ хъазты (3:3). Футболист ма æмбырдгонды сконды нæ хъазыд 25-æм туры мæскуыйаг "Локомотив"-имæ матчы райсгæ травмæйы тыххæй.
Конфедерациты кубок ацæудзæн Уæрæсейы 17 июнæй 2 июльмæ Казань, Сочи, Санкт-Петербург æмæ Мæскуыйы. Уæрæсейы æмбырдгонд ахъаздзæн къорд "А"-йы Ног Зеланди, Португали æмæ Мексикæйы æмбырдгонд командæтимæ.
