ЦХИНВАЛ, 15 май — Sputnik. Арæнхъахъхъæнджытæ Хуссар Ирыстоны æрцахстой цыппар гуырдзиаг æмбæстаджы паддзахадон арæны режим фехалыны тыххæй, фехъусын кодтой Sputnik Паддзахадон æдасдзинады пресс-службæйы.
"12 æмæ 13 майы РХИ æмæ Гуырдзыстоны паддзахадон арæныл, Знауыры районы Вахтанайы хъæуы цур паддзахадон арæны режим фехалыны тыххæй ахст æрцыдысты цыппар гуырдзиаг æмбæстаджы", — загътой ПӔК-ы.
Ведомствæйы радзырдтой, фæткхалджытæ иууылдæр кæй сты Гуырдзыстоны Хашуры районы Цагвли æмæ Бролосанийы хъæуты цæрджытæ.
Уыдон сты 50-аздзыд Вепхия Ломидзе, 58-аздзыд Элизбар Ломидзе, 65-аздзыд Георгий Гогаладзе æмæ 28-аздзыд Амиран Теделури.
ПӔК-ы Арæнгæрон службæ уадзы равзæрст.
