ЦХИНВАЛ, 19 май — Sputnik. Хуссар Ирыстоны президент Бибылты Анатолий райста хайад V Владимираг æхсæнадæмон экономикон форумы куысты æмæ æруынаффæ кодта уæрæсейаг регионимæ æмгуыстады фадæттыл, фехъусын кодтой Sputnik РХИ президенты пресс-службæйы.
Журналистты фарстытæн дзуаппытæ дæтгæйæ, Бибылты Анатолий банысан кодта экономикон фæзуаты бæрзонд æмвæзад.
"Форум кæд æхсæнрегионалоны ном хæссы, уæддæр у æхсæнадæмон, кæд дзы хайад исынц Китай, Чили, Хуссар Ирыстон æмæ Абхазы минæвæрттæ. Ӕмгуыстады æмвæзад у тынг бæрзонд, уый æвæстиатæй ссары практикон реализаци. Ис бадзырдтæ инвестициты тыххæй, программæтæ, ис бизнесменты фæндон Хуссар Ирыстонмæ ацы сентябры æрцæуын", — загъта Хуссар Ирыстоны президент.
Бибылты Анатолий райста хайад форумы пленарон рабадты дæр, афтæ ма фæуазг цалдæр фæзуатмæ.
Форумы æвæрд уыд Хуссар Ирыстоны стенд дæр, кæцы фенын кодта потенциалон инвестортæн республикæйы туристон бизнесы райрæзты фадæттæ.
