ЦХИНВАЛ, 23 май — Sputnik, Босыкты Наталья. Хуссар Ирыстоны Хæдбардзинад расидыны фæдыл акт райсын бон, кæцы республикæйы нысан кæнынц къуырисæры, 29 майы, расидт æрцыд улæфт бонæй. Уый цытæн республикæйы улæфдзысты æртæ боны фæд-фæдыл, фехъусын кодтой Sputnik хицауады аппараты.
"29 майы Хуссар Ирыстоны нысан кæнынц Хæдбардзинад расидыны фæдыл акт райсыныл 25 азы сæххæсты бон. Ацы аз бæрæгбон æрхауд кусæгон бонмæ — къуырисæрмæ, уымæ гæсгæ ацы бон расидт æрцыд улæфт бонæй", — банысан кодтой хицауады аппараты.
Республикæ Хуссар Ирыстоны Паддзахадон хæдбардзинады фæдыл акт Уæлдæр Совет райста 1992 азы 29 майы.
