ЦХИНВАЛ, 24 май — Sputnik. Уæрæсейы президент Владимир Путин УФ æххæстбарджын минæварæй Хуссар Ирыстоны снысан кодта Марат Кулахметовы, раздæр ацы бынатæй Къарджиаты Эльбрусы ссæрибар кæнгæйæ.
Ӕмбæлон указ мыхуыр æрцыд дыццæджы барадон информацийы официалон интернет-порталыл.
Къарджиаты Эльбрус уыд фыццаг уæрæсейаг æххæстбарджын минæвар Хуссар Ирыстоны, уый лæууыд уæрæсейаг дипломатон миссийы сæргъ 2008 азы кæронæй. Уый рæстæджы арæзт æмæ эксплуатацимæ лæвæрд æрцыд минæварадон комплекс Цхинвалы.
Марат Кулахметов рагæй зонгæ у Хуссар Ирыстонимæ: 2004-2008 азты уый уыд гуырдзиаг-ирон хъаугъайы зонæйы сабырад бахъахъхъæныны фæдыл æмхæццæ тыхты командæгæнæг. 2011 азæй Кулахметов ахста УФ фæсарæйнаг хъуыддæгты министры уынаффæгæнæджы бынат.
