ЦХИНВАЛ, 25 май — Sputnik. Хуссар Ирыстоны президент Бибылты Анатолий снысан кодта Лалыты Зӕлинæйы республикæйы юстицийы министрæй, хъусын кæны паддзахады сæргълæууæджы пресс-службæ.
Уагдоны раздæры хистæр Бестауты Марина ссæрибар æрцыд министры бынатæй.
Дыууæ барамынд дæр президент бафыста цыппæрæмы, загътой пресс-службæйы.
Хуссар Ирыстоны хицауад сæрибар æрцыд 24 апрелы, Бибылты Анатолий президенты бынатмæ куы бахызт, уæд.
Парламент 16 майы сразы ис президенты бавдыстгонд кандидатурæ Пухаты Эрикы хицуады сæрдарæй снысан кæнæны фæндыл.
