ЦХИНВАЛ, 30 май — Sputnik. Мариинаг театры аивадон къухдариуæггæнæг Гергиты Валерий фарон деклорацимæ бахаста иууыл фылдæр æфтиаг Уæрæсейы аннæ культурон архайджыты æхсæн. Йæ афæдзон æфтиаг 2016 азæн уыд 154 милуан сомы, ахæм бæрæггæнæнтæ мыхуыр сты Культурæйы министрады сайтыл.
Ведомствæйы бæрæггæнæнтæм гæсгæ, дирижер у æртæ зæххы фадыджы, æхсæз фатеры æмæ дыууæ автомашинæйы хицау — Toyota æмæ Lexus.
Forbes бæрæггæнæнтæм гæсгæ, Гергиты Валерий 2013 азы ссис фыццаг классикон æххæстгæнæг, кæцы йæ æфтиæгты бæрцæй фæстейæ фæуагъта поп-зарæггæнджыты. Мыхуыры органы рейтингы йæ афæдзон æфтиаг уæд уыд 16, 5 млн доллары.
