Бибылты Анатолий: Хуссар Иры нæ хъæуы уæрæхдæр кæны уæрæсейаг æфсæддонты нымæц

© Пресс-служба президента РЮО Президент РЮО Анатолий Бибилов на встрече с президентом РФ Владимиром Путиным
Президент РЮО Анатолий Бибилов на встрече с президентом РФ Владимиром Путиным - Sputnik Хуссар Ирыстон
Рафыссын
Бибылты Анатолий ПӔЭФ-2017 кулуарты æрдзырдта Хуссар Ирыстоны æдасдзинады уавæрыл æмæ аиуварс кодта мыхуыры фæрæзты информаци, зæгъгæ, республикæйы æвæрд æрцæудзысты уæрæсейаг ракетон комплекстæ С-300 æмæ "Тополь-М"

ЦХИНВАЛ, 2 июн- Sputnik. Хуссар Ирыстон нæ нымайы æнæмæнгхъæуæгыл уæрæсейаг æфсæддон службæгæнджыты нымæц фылдæр кæнын, ныртæккæ уыдон фаг сты республикæйы æдасдзинад бахъахъхъæнынæн, фехъусын кодта президент Бибылты Анатолий.

"Республикæ Хуссар Ирыстоны цы гæрзтæ ис, æмæ цы æфсæддон службæгæнджыты контингент ис, уый нымæцы УФ ӔФС-ы арæнгæрон управленийы — фаг сты, цæмæй ифтонг кæной Хуссар Ирыстоны æдасдзинад", — загъта Бибылты Анатолий йæ интервьюйы РИА Новостийæн.

Йæ ныхæстæм гæсгæ, республикæйæн йæхи гарзджын тыхтæ дæр хынцгæйæ, "уыдон фаг сты цыфæнды агрессоры дæр фæстæмæ аппарын".

РХИ президент Бибылты Анатолий æмæ Татарстаны президент Рустам Минниханов - Sputnik Хуссар Ирыстон
Хуссар Иры æмæ Татарстаны сæргълæуджытæ бадзырдтой æмгуыстад кæныныл

"Уæлæмхасæй ноджы цавæрдæр тыхтæ мобилизаци кæнын УФ-йы æрдыгæй, науæд та Хуссар Ирыстонæн йæхи мидæг ницы æнæмæнгхъæуæг у", — банысан кодта президент.

Бибылты Анатолий бафтыдта, зæгъгæ, абон республикæйы территорийыл цы тыхтæ ис, уыдон дæттынц гаранти Хуссар Ирыстоны æдасдзинадæн.

Президент ма аиуварс кодта кодта мыхуыры фæрæзты информаци, зæгъгæ, республикæйы æвæрд сты уæрæсейаг ракетон комплекстæ С-300 æмæ "Тополь-М".

"Зонут æй, журналисттæ кæй уарзынц цырын кæнын: дзурынц, зæгъгæ, махмæ "Тополь-М" дæр ис æмæ стратегион бомбæппарджыты аэродром дæр. Кæй зæгъын æй хъæуы, уый афтæ нæу", — загъта Бибылты Анатолий.

Уæрæсейаг æфсæддон базæ уæвы Хуссар Ирыстоны 2009 азæй фæстæмæ. Уыцы аз ма республикæйы арæзт æрцыд Уæрæсейы ӔФС-ы Арæнгæрон управлени, кæцы хъахъхъæны республикæйы арæнтæ Гуырдзыстонимæ.

Ног хабӕртты лентӕ
0