ЦХИНВАЛ, 2 июн — Sputnik. Хуссар Ирыстоны ӕмбырдгонд командӕ футболӕй майрӕмбоны афӕндараст уыдзӕн ConIFA версимӕ гӕсгӕ Европӕйы чемпионатмӕ, фехъусын кодта Sputnik РХИ фӕсивӕдон политикӕ, спорт ӕмӕ туризмы комитеты хистӕр Зассеты Сергей.
Йӕ ныхӕстӕм гӕсгӕ, Кипрмӕ, цыран уагъд ӕрцӕудзӕн фыццагад, ацӕудзысты ӕмбырдгонды 22 хъазӕджы.
"Мах ныфс ис финалмӕ ахизынӕй, нӕ футболисттӕн ис рамбулыны нысан ӕмӕ ӕнхъӕлмӕ кӕсынц иууыл къаддӕрӕй призон бынатмӕ", — загъта Сергей.
ConIFA версимӕ гӕсгӕ Европӕйы чемпионат райдайдзӕн 4 июны Цӕгаттаг Кипры, фыццаг хъазт ацӕудзӕн 5 июны, финал та — 10 июны. Ӕдӕппӕт чемпионаты хайад райсдзысты аст командӕйы.
Хӕдбар футболон ассоциациты конфедераци (ConIFA) арӕзт ӕрцыд 2013 ацы. Йе сконды ис 25 командӕйӕ фылдӕр.
Хуссар Ирыстон ConIFA-йы уæнг ссис 2014 азы январы.
