ЦХИНВАЛ, 5 июн — Sputnik. Хуссар Ирыстоны хъахъхъæнынады министрады æфсадӕн райдыдта сæрдыгон ахуырты период, фехъусын кодтой Sputnik уагдоны пресс-службæйы.
"Ӕфсæддон цæттæгӕнӕн нывæзт домы цæттæдзинады тренировкæтæ, æфсæддонты сæрмагондæй цæттæ кæнын, дæлхайæдты æмæ взводты сконды ӕмархайд. Сӕ фылдæр хай ацæудзæн быдырон уавæрты. Ахуыртæ балхынцъ уыдзысты æфсæддон æхстытæй", — дзырдæуы хъусинаджы.
Сæрдыгон ахуырты периоды размæ ӕфсӕддонтӕн уагъд цыдысты цæттæгæнæн мадзӕлттӕ. Уыдон фæлгæтты дæр ацыд къорд рахызты, гæрзтæ æмæ техникӕ конд æрцыдысты сæрдыгон эксплуатацийы периодмæ.
