ЦХИНВАЛ, 6 июн — Sputnik. Хуссар Ирыстоны командæ фембылд Абхазы командæйæн ConIFA версимæ гæсгæ Европæйы чемпионаты фыццаг хъазты, кæцы уагъд цæуы Кипры, хъусын кæны Sputnik Абхаз.
Матчы тæккæ райдианы хыгъд бакодта абхазаг командæйы архайæг. Хуссарирыстойнаг æмбырдгонд ын сдзуапп кодта æрмæстдæр дыккаг таймы — Абхазы къулдуæрттæм нысан æрцыд пенальти, кæцы нæ хъазджытæ æнтыстджынæй среализаци кодтой (1:1).
Уæлæмхас рæстæджы фæстаг минуттыл абхазаг æмбырдгонд бакодта йæ дыккаг гол æмæ фембæлд ахицæн 2:1 хыгъдæй.
Ӕдæппæтæй турниры архайы 8 хæдбар бæстæйы командæйы, уыдон дих ӕрцыдысты дыууæ къордыл. Хуссар Иры æмбырдгонд архайы къорд "А"-йы Абхазы командæ, фысымтæ æмæ Карпаталияимæ.
ConIFA версимӕ гӕсгӕ Европӕйы чемпионат цæудзæн 4-11 июны Цæгат Кипры.
Абхазы командæ чемпионаты архайы куыд ивгъуыд ерысты уæлахиздзау.
Хæдбар футболон ассоциациты конфедераци арæзт æрцыд 2013 азы. ConIFA мæ бацыд, FIFA-йы скондмæ чи нæ бахызт, ахæм 25 бæстæйы футболы æмбырдгæндтæ.
