ЦХИНВАЛ, 6 июн — Sputnik. Слестгæнджытæ бакодтой уголовон хъуыддаг Мæздæджы рынчындоны химæисæн хайады гæсы, 47 аздзыд сылгоймаджы ныхмæ, кæцы 20 мин сом гæртамыл баивта туджы наркотикты уæвынад сбæрæг кæныны фæдыл тест, хъусын кæны Цæгат Иры СК-ы слестгæнæн управлени.
Агуырды версимæ гæсгæ, 29 майы азымгонд райста 20 мин сомы бынæттон цæрæгæй, цæмæй йын баива нарктотикты фæдыл тесты бæрæггæнæнтæ.
"Ӕхцайы фæрæзтæ райсыны рæстæджы сылгоймаджы рацахстой республикон МХМ-ы экономикон æдасдзинады æмæ коррупцийы ныхмæ управленийы кусджытæ", — дзырдæуы хъусинаджы.
Уголовон хъуыддаг баконд æрцыд "æнæзаконон архæйдыты фæдыл гæртам райсыны" статьямæ гæсгæ.
