ЦХИНВАЛ, 7 июн — Sputnik, Козаты Диана. Хуссар Ирыстоны парламенты ног спикерæй равзæрстой парти "Иугонд Ирыстоны" депутат Гасситы Петры.
Сусæг хъæлæсæппæрсты руаджы Гасситы Петры кандидатурæимæ сразы сты сессийы хайадисæг 32 депутатæй 21 депутаты.
Гассийы фырты кандидатурæ спикеры бынатмæ раразмæгонд æрцыд къуырисæры, фракци "Иугонд Ирыстоны" рабадты рæстæджы.
Хуссар Ирыстоны парламенты спикер æвзæрст цæуы сусæг хъæлæсæппæрстæй, иу кæнæ аннæ кандидатурæ хъуамæ райса депутатты фылдæр хайы хъæлæстæ, ома 18 депутаты 34-æй.
Парти "Иугонд Ирыстонæн" Хуссар Ирыстоны парламенты 34 депутатон бынатæй ис 20.
Закондæттæн органы раздæры сæргълæууæг фæуæлахиз Хуссар Ирыстоны президентон æвзæрстыты ацы аз апрелы æмæ суæгъд кодта йæ æххæстбартæ.
