ЦХИНВАЛ, 7 июн — Sputnik. Цæгат Ирыстоны МХМ-ы кусджытæ æрцахстой дыууæ сылгоймаджы, кæцытæ адавтой пенсиисæг сылгоймаджы, фхъусын кодтой ведомствæйы пресс-службæйы.
Полицийы радгæсон хайадмæ æрбахатыд 52-аздзыд республикæйы цæрæг сылгоймаг, кæцы фехъусын кодта кæй ссис хуыснæгдзинады амæттаг.
Пенсиисæг радзырдта, дыууæ æвзонг сылгоймаджы йæ куыд адавтой — байстой йын йæ паспорт, 12 500 мин сом æхца æмæ чырон телефон. Зианы иумæйаг суммæйы бæрц ссис 24 500 сомы.
Полицийы кусджытæ ацыдысты цауы бынатмæ æмæ оперативон-агурæн мадзæлтты рæстæджы сбæлвырд кодтой фæткхалджыты гоймагдзинад. Уыдон разындысты 38- æмæ 42-аздзыд дзæуыджыхъæуккаг сылгоймæгтæ. Барадхъахъхъæнджытæ æрцахстой фыдгæнджыты. Давд исады кæцыдæр хай бантыст раздахын хицауæн. Баконд æрцыд уголовон хъуыддаг «хуыснæгдзинады" статьямæ гæсгæ.
