ЦХИНВАЛ, 7 июн — Sputnik. Хуссар Ирыстоны президент Бибылты Анатолий снысан кодта инӕлар-майор Наниты Игоры республикæйы мидхъуыддӕгты министрæй, хъусын кæны паддзахады сæргълæууæджы пресс-службæ.
Раздæры хицауады уагдоны сӕргъ раздӕр лӕууыд Лӕууойты Ӕхсар.
25 майы Бибылты Анатолий сарæзта цалдæр кадрон ивындзынады. Медойты Дмитрий ссис фæсарæйнаг хъуыддæгты министр, Хæбæлаты Аза — финансты министр, Гасситы Натали — ахуырады министр, Лалыты Зæлинæ — юстицийы министр, Зассеты Жанна — культурæйы министр.Тадтаты Аланы снысан кодтой УУМ-ы сæргълæууæгæй, Хуссар Ирыстоны экономикон райрæзты министр ссис Кокойты Геннадий.
Хуссар Ирыстоны хицауад отставкӕйы ацыд 24 апрелы, Бибылты Анатолий президенты бынатмæ куы бахызт, уæд. Уӕдӕй нырмӕ министрӕдты ӕмӕ уагдӕтты къухдариуӕггӕнджытӕ рӕстӕгмӕ ӕххӕст кодтой сӕ хӕстӕ.
