ЦХИНВАЛ, 7 июн — Sputnik. Хуссар Ирыстоны президент Бибылты Анатолий снысан кодта æнæниздзинад хъахъхъæнынад æмæ социалон райрæзты министрæй Точиты Георгийы, хъусын кæны паддзахады сæргълæууæджы пресс-службæ.
Уый размæ ведомствæйы сæргъ лæууыд Григорий Кулиджанов.
Цыбыр биографион справкӕ
Тотчиты Георгий Феликсы фырт райгуырд 1974 азы 20 марты.
1990 азы ахуырмӕ бацыд Цӕгат-Ирыстойнаг паддзахадон медицинон академимӕ(ЦИПМА).
1997-1999 азы ахуыр кодта акушер-гинекологы дӕсниад Мӕскуыйы паддзахадон медицинон-стоматологон академийы.
2006 азы райста медицинон зонӕдты докторы ном.
1997-2007 ӕзты куыста ПӔК-ы цур гуырӕн хӕдзары гуырӕн хайады дохтырӕй.
2007 азӕй абоны онг у Адӕмты хӕларады Уӕрӕсейаг университеты (АХУУ) гинекологийы кафедрӕйы профессор.
Ис ын бинонтӕ, дыууӕ сывӕллоны.
