ЦХИНВАЛ, 9 июн — Sputnik. Уæрæсейы бон ацæудзæн Националон чындзæхсæвты II фестиваль "Иу бæстæ — иу бинонтæ", цы ран хайад райсдзысты æвзонг бинонтæ Цæгат Ирыстонæй. Фестиваль ацæудзæн Подмосковьейы Ленины номыл музей-хъæууон цæрæнуат Горкийы.
Фестивалы сæйраг сценæйыл ацæудзæн бинонты регистрацийы цытджын церемони, цы ран сæ цард баиу кæндзысты 13 къайы, хъусын кæны газет Слово.
Националон чындзæхсæвты фестиваль "Иу бæстæ — иу бинонты" нывæзты къæйттæ регистраци кæнынæй дарддæр равдисдзысты чындзæхсæвы æгъдæуттæ, ацаходдзысты хицæн адæмы хаттыты къæбицы хæринæгтæй. Алкæцы регионы раз дæр лæууы йæ культурӕ ирдæй равдисыны хæс традицион уæлæдарæс, кафтытæ, зарджытæ æмæ мигæнæны руаджы.
Ивгъуыд аз фестивалы архайдтой æвзонг къæйттæ Удмурти, Мордови, Коми, Татарстан, Башкортостан, Дагестан, Чуваши æмæ æндæр рæттæй. Ацы аз сæм бамбал сты Кæсæг —Балхъар, Цæгат Ирыстон, Якути, Буряти, Краснодар æмæ Ставрополы крайтæ.
