ЦХИНВАЛ, 15 июн — Sputnik, Козаты Диана. Барадхъахъхъæнæг органтæ раргом кодтой Цхинвалы автомашинæтæй аккумулятортæ давыны цыппар цауы, фехъусын кодтой Sputnik Хуссар Иырстоны МХМ-ы пресс-службæйы.
Ведомствæйы минæвары ныхæстæм гæсгæ, давыны цауты хайад истой иууылдæр иу гоймæгтæ.
"Милицимæ иурæстæджы фехъусын кодтой горæты цæрджыты автомашинæтæй аккумулятортæ адавыны фæдыл цыппар цауы тыххæй. Сæфыны цаутæ иууылдæр регистраци æрцыдысты 12 æмæ 13 июны, æрмæст æхсæвыгон нæ, фæлæ боныгон дæр. Аккумулятортæ давд æрцыдысты машинæтæй ВАЗ-21011 æмæ ВАЗ-2106", — загътой пресс-службæйы.
МХМ-ы мидхъуыддæгты горæттаг управленийы кусджытæ æрцахстой азымгондты, кæцытæ разындысты Цхинвалы дыууæ æнахъом цæрæджы. Уыдон басастысты сæ аххосыл, аккумулятортæ байст æрцыдысты.
