ЦХИНВАЛ, 20 июн, Пресс-службæ Sputnik. Информацион агентад æмæ радио Sputnik Хуссар Ирыстон радзурдзæн Хуссар Ирыстоны тыгъдадыл дыууæ азы куысты хатдзæгтыл. Мадзал уагъд æрцæудзæн пресс-конференцийы форматы, хайад ма дзы райсдзысты Сухум æмæ Мæскуыйы пресс-центртæ. Пресс-конференцийы хайадисджытæн æвдыст æрцæудзæн агентады сæйрагдæр проекттыл цыбыр афæлгæст, афæдзы иууыл ирддæр цаутыл видеоафæлгæст, афтæ ма бæстæты ТОП — 20 рейтинг, цы ран нæм кæсынц æмæ нæм хъусынц. Пресс-конференци уагъд æрцæудзæн абон, 20 июны, 14:00 сахатыл.
Sputnik Хуссар Ирыстоны къухдариуæггæнæг Нарек Ордян: "Дыууæ азмæ агентад Sputnik Хуссар Ирыстон ссис лидер республикæйы интернет-мыхуыры фæрæзты хсæн. Ацы æнтыстытæ мах разæнгард кæнынц ног нысæнттæ бассæттынмæ!"
Портал Sputnik Хуссар Ирыстон йӕ куыст райдыдта националон ӕмӕ уырыссаг ӕвзӕгтыл 2015 азы июны. Ресурсы редакторты ӕмӕ журналистты профессионалон командӕ кӕсджыты размӕ хӕссы актуалон ӕхсӕнадӕмон цауты фӕдыл алыгъуызон цӕстӕнгас. Радио Sputnik Хуссар Ирыстон дзуры бӕстӕйы ӕппӕт территорийыл, ӕмӕ адӕмы размӕ хӕссы ӕхсӕнадон-политикон ӕмӕ культурон тематикӕйы фӕдыл программӕтӕ. Афтӕ ма ног хабӕртты рауагъдтӕ.
Мультимедион пресс-центр Sputnik Республикӕ Хуссар Ирыстоны (г. Цхинвал, Мӕскуыйы уынг, 5) — нырыккон мультимедион фӕзуат, бӕрзондтехнологион ифтонггарз, кӕцы дӕтты фадат ӕндӕр ӕмӕ ӕндӕр форматы мадзӕлттӕ уадзын. Журналистты ӕмӕ уазджыты дӕлбарады сты — ӕнцонвадат пресс-зал, информациимӕ кусыны инфраструктурӕ, уый нымӕцы Wi-Fi. Sputnik (sputniknews.com) — ног хабӕртты агентад ӕмӕ радио мультимедион информацион хабтимӕ дӕсгай бӕстӕты. Sputnik-ы сконды сты 30 сайттӕй фылдӕр, аналогон ӕмӕ цифрон радиофидиуӕн, мобилон ӕмхасӕнтимӕ ӕмӕ социалон хызӕгты фӕрстимӕ.
