Фыдохы бон Хуссар Иры: республикæ хæрзбон кæны Нафийæн

© Sputnik / Ада БагианНафи Джусойты
Нафи Джусойты - Sputnik Хуссар Ирыстон
Рафыссын
Поэты йе нусон бынатмæ фæндараст кæнынц Хуссар Ирыстоны парламенты залы

ЦХИНВАЛ, 29 июн — Sputnik. Хуссар Ирыстоны цыппæрæм расидт æрцыд Фыдохы бонæй зынгæ ирон ахуыргонд æмæ фыссæг Джусойты Нафийы амæлæты тыххæй. Президенты бардзырмæ гæсгæ, республикæйы территорийыл æркъул кодтой тырысатæ æмæ ивтой хиирхæфсæн мадзæлттæ æмæ алæвæрдтæ.

Поэт Нафи Джусойты - Sputnik Хуссар Ирыстон
Зындгонд адæмы пантеоны Цхинвалы фыццаг йе ʻнусон бынат ссардзæн Джусойты Нафи

Нафийы марды чырын æвæрд уыдзæн парламенты залы, кæй фæнда зонады ирд архайæджы йæ фæстаг фæндагыл афæндараст кæнын, уыдонæй алкæмæн дæр уыдзæн æрбацæуыны æмæ йын фæстаг хæрзбон зæгъыны фадат.

Зынгæ ирон ахуыргонд Джусойты Нафи йæ цардæй ахицæн 25 июны Дзæуджыхъæуы 92 азы кары.

Джусойты Нафи райгуырд 1925 азы 27 февралы Дзауы районы Ногхъæуы зæхкусæджы бинонты хсæн. 16-аздзыдæй бацыд бархионæй сырх æфсадмæ æмæ йæ рæнхъыты уыд Стыр Фыдыбæстæйон хæсты фондз аз æнæхъæнæй.

Уый уыд поэт-академик, Хуссар Ирыстоны зонадон-иртасæн институты сæйраг зонадон кусæг, каст лекцитæ Хуссар æмæ Цæгат Ирыстоны паддзахадон университетты.

Поэт Нафи Джусойты - Sputnik Хуссар Ирыстон
Нафи - куыд ӕй бахъуыды кодтам, афтӕмӕй

Нафи рауагъта 400 зонадон куыстæй фылдæр, уый нымæцы 12 монографи, ирон литературæйæ ахуыргæнæн чингуытæ, литературон терминты дзырдуат, "Ирон литературæйы историйы" дыууæ томы. Уый ратæлмац кодта ирон æвзагмæ уырыссаг, украинаг, гуырдзиаг классикты, уый нымæцы А. Пушкины роман "Евгений Онегин".

Джусойты Нафийы чингуытæ тæлмацгондæй мыхуыры рацыдыдсты уырыссаг, гуырдзиаг, украинаг, польшæйаг æмæ казахаг æвзæгтыл.

Нафи бахаста егъау хайбавæрд Хуссар Ирыстоны хæдбардзинады рæзтмæ, цалдæр хатт æвзæрст æрцыд республикæйы закондæттæн органы депутатæй. Хорзæхджын у "Кады нысан"-ы орденæй. У Хетæгкаты Къостайы премийы лауреат.

Ног хабӕртты лентӕ
0