Уæрæсейаг сапертæ фесты Хуссар Ир минæтæй сæдас кæныны куыст

© Sputnik / Наталья БосиковаМЧС
МЧС - Sputnik Хуссар Ирыстон
Ацы аз цы территоритæ ссыгъдæг кодтой, уым ссардтой æмæ сæнæзианхъом кодтой 105 рæмудзæн æрмæджы

ЦХИНВАЛ, 30 июн — Sputnik, Босыкты Наталья. Уæрæсейы УУМ-ы саперты къорд балхынцъ кодта Хуссар Ирыстон минæтæй сæдас кæныны куысты дыккаг этап, ссыгъдæг кодтой 30 гектары, сæнæзианхъом кодтой 105 минæ æмæ рæмудзæн æрмæджы.

Уæрæсейы УУМ-ы ирвæзынгæнæн операциты центр "Лидер"-ы специалисттæ куыстой Хуссар Ирыстоны ныр дыккаг хатт. Фарон уыдон минæтæй ссыгъдæг кодтой 50 гектар зæхх æмæ сæнæзианхъом кодтой 350 рæмудзæн æрмæджы.

© Sputnik / Наталья БосиковаПрезидент загъта бузныг центры пиротехниктæн æмæ сæ схорзæхджын кодта майдантæ æмæ грамотæтæй
Награждение саперов МЧС России  - Sputnik Хуссар Ирыстон
Президент загъта бузныг центры пиротехниктæн æмæ сæ схорзæхджын кодта майдантæ æмæ грамотæтæй

Майрæмбоны республикæйы президент загъта бузныг центры пиротехниктæн бакæнгæ куысты тыххæй æмæ сæ схорзæхджын кодта майдантæ æмæ грамотæтæй.

"80 бонмæ мах асыгъдæг кодтам 30 га зæхх Хуссар Ирыстоны цыппар хъæуы — Аунеу, Сарабукъ, Прис æмæ Исахъхъы хъæу. "Лидер"-ы къорд сæнæзианхъом кодта 105 рæмудзæн æрмæджы, се ′хсæн инженерон хæстæрмæджытæ, фистæгæфсады æмæ танкты ныхмæ минæтæ", — загъта къорды сæргълæууæг, булкъон Александр Шевченко.

Къорды командæгæнæг банысан кодта, сапертæ Хуссар Ирыстонмæ кæй æрыздæхдзысты фидæн аз, цæмæй адарддæр кæной сæ куыст — бæстæ сын цы территори сбæлвырд кæна, уый минæтæй сыгъдæг кæнын.

Саперы МЧС России - Sputnik Хуссар Ирыстон
Уæрæсейаг сапертæ дӕс бонмӕ Хуссар Иры ссыгъдӕг кодтой ӕртӕ гектары

"Мах нырма хъæуы стыр куыст бакæнын, фæлæ Хуссар Ирыстон æмæ Уæрæсейы æхсæн цы æмгуыстад ис, уый рахызт профессионалондæр æмвæзадмæ уæ ахасты фæрцы уæ разы æвæрд нысæнттæм. Хуссар Ирыстоны УУМ-ы раз æмæ уæ разы æвæрд хæстæ сты æмхуызон, иууыл сæйрагдæр у, цæмæй уæ хæдзæрттæм здæхат æнæниз æмæ æнæфыдбылызæй", — загъта Бибылты Анатолий церемонийы рæстæджы.

Паддзахады сæргълæууæг ма радта бузныджы нысан Хуссар Ирыстоны хъахъхъæнынады министрады медиктæн дæр, кæцытæ лæууыдысты къорд "Лидер"- ы фарсмæ территоритæ минæтæй сыгъдæг кæныны рæстæджы.

Уæрæсейаг саперты къорд 30 адæймаджы скондӕй Хуссар Ирыстоны кусы дыууæ бæстæйы президентты бадзырды æмæ УУМ иумæйаг нывæзты фæлгæтты. Программæ нывæзтгонд у æртæ азмæ.

© Sputnik / Наталья БосиковаПрезидент загъта бузныг центры пиротехниктæн æмæ сæ схорзæхджын кодта майдантæ æмæ грамотæтæй
Награждение саперов МЧС России  - Sputnik Хуссар Ирыстон
Президент загъта бузныг центры пиротехниктæн æмæ сæ схорзæхджын кодта майдантæ æмæ грамотæтæй
Ног хабӕртты лентӕ
0
Нырма ногтӕНырма зӕрӕттӕ
loader
Эфиры
Заголовок открываемого материала