ЦХИНВАЛ, 30 июн — Sputnik, Хъотайты Мария. Ивгъуыд æхсæв Цæгат Ирыстоны Ӕрыдон- Дигорайы трассæйыл фæмард сты горæт Къуайсайы æртæ цæрæджы, фехъусын кодта Sputnik горæты мэр Гæззаты Роберт.
"Нæлгоймæгтæ рацæйздæхтысты Дигорайæ. Трассæйы сæ разæй фæцис 22-аздзыд бынæттон цæрæг, цæй фæстиуæгæн машинæтæ сæмбæлдысты кæрæдзиуыл. Шофыр æмæ йæ пассажиртæй дыууæйæ фæмард сты бынаты, цыппæрæм уæззау уавæры ис реанимацийы. Авари кæцы шофыры аххосæй æрцыд, уый абон амард ",- радзырдта уый.
Аварийы амæттæгты, Гæззаты Роберты ныхæстæм гæсгæ, æрласдзысты Къуайсамæ, цы ран сын сæ зиæнттæ бавæрдзысты хуыцаубоны.
Мэр ма бафтыдта, зиæнттæ æрласынмæ Цæгат Ирыстонмæ кæй ацыдысты сæ хиуæттæ.
