ЦХИНВАЛ, 3 июл — Sputnik, Босыкты Наталья. Хуссар Ирыстоны арæнхъахъхъæнджытæ æрурæдтой Гуырдзыстоны æмбæстаджы паддзахадон арæны режим фехалыны тыххæй, фехъусын кодтой Sputnik паддзахадон æдасдзинады комитеты пресс-службæйы.
"30 июны Цхинвалы районы Громы хъæумæ æввахс паддзахадон арæны режим фехалыны тыххæй ахст æрцыд Гуырдзыстоны æмбæстаг", — фехъусын кодтой ПӔК-ы.
Ведомствæйы банысан кодтой, фæткхалæг — 45 аздзыд Заур Мелтаури — кæй у Гуры районы Меджврисхелийы хъæуы цæрæг.
Паддзахадон æдасдзинады комитеты арæнгæрон службæ уадзы равзæрст фæткхалæджы ныхмæ æмæ кусы æрмæджытæ тæрхондонмæ адæттыны фарстыл.
