ЦХИНВАЛ, 7 июл — Sputnik. Уæгъдибар хъæбысхæстæй æхсæнадæмон турнир "Мемориал Вацлава Циолковского"-йы стох кæндзысты дыууæ ирон богалы, Уæрӕсейы чемпионаты уæлахиздзаутæ Гогаты Алан æмæ Уалыты Владислав, хъусын кæны Уæрæсейы хъæбысхæсты федерацийы сайт.
Ӕхсæнадæмон турнир "Мемориал Вацлава Циолковского" цæудзæн Польшæйы сæйраг горæт Варшавæйы 7-9 июлы. Æртæ боны дæргъы рабæрæг кæндзысты тыхджындæр спортсменты аст уæзы категориты.
Гогаты Алан архайы 65 кг уæзы, 2010 æмæ 2012 æзты ссис Уæрæсейы чемпион.
Уалыты Владислав та ссис Уæрæсейы чемпион уæгъдибар хъæбысхæстæй 86 кг онг уæзы категорийы.
