ЦХИНВАЛ, 14 июл — Sputnik. Хуссар Ирыстоны президент Бибылты Анатолий ссæрибар кодта йæ бынатæй ахæстоны хистæр Къæбулты Георгийы, фехъусын кодта Sputnik паддзахады сæргълæууæджы пресс-секретарь Гасситы Дина.
Уыцы указæй ма йæ бынатмæ снысан кодта Джыккайты Феликсы.
Президенты пресс-секретарь куыд банысан кодта, афтæмæй Къæбулты Георгийы йæ бынатæй ссæрибар кæныны фæдыл скъуыддзаг райст æрцыд "рæстмæгæнæн колонийы бирæ фæткхалæн факттæ кæй разынд æмæ гæнæн нæй, уыдон тыххæй мацы зыдтаит ахæстоны хистæр".
"Анатолий Ильяйы фырт у æнæдызæрдыг, абоны уавæр кæй у барæй арæзт ахæстæтты хайадистимæ. Ӕфхæрды æмгъуыды уæлбар банымайыны тыххæй дзырдлæвæрдтæ ничи радта, рæстмæгæнæн колонийы уавæртæ фæхуыздæр кæныныл та бакуыст æрцыд мæйы размæ æмæ ныр æввахс рæстæг проект æрцæудзæн реализацигонд. Уыимæ иумæ президент æмæ юстицийы министр æрдзырдтой кæцыдæр уæлбартыл, куыд, зæгъæм, ахæстæттæм æрвиттæгæгты нымæц фæфылдæр кæныныл", — загъта Гасситы Дина.
Джыккайты Феликс Ханджеры фырт райгуырд 1960 азы. 1981-2012 азты куыста Хуссар Ирыстоны МХМ-ы, ис ын инæлар-майоры ном. Ис ын дыууæ уæлдæр ахуырады — юридикон æмæ историкон. Ис ын бинонтæ, цыппар сывæллоны.
