УФ чемпионаты сæ тыхтæ бавзардзысты 7 цæгатирыстойнаг уæззау атлеты

© Sputnik / Саид Царнаев /  Ахизын медиабанкмæЛондоны Олимпиадæйы призер Ӕлбегты Руслан
Лондоны Олимпиадæйы призер Ӕлбегты Руслан - Sputnik Хуссар Ирыстон
Рафыссын
Уæззау атлетикæйæ цæгатирыстойнаг æмбырдгонд бавзардзæн йæ тыхтæ Уæрæсейы чемпионаты горæт Чебоксарыйы

ЦХИНВАЛ, 19 июл — Sputnik. Уæрæсейы чемпионаты сæ тыхтæ бавзардзысты 7 цæгатирыстойнаг уæззау атлеты, хъусын кæны Ossetia News спорты министрады пресс-службæйы информаци.

"Цæгат Ирыстон турниры æвдыст уыдзæн 4 уæзы категорийы. 63 кг уæзы архайдзæн Туриты Тима. +105 кг уæзы категорийы республикæйы спортивон кад хъахъхъæндзæн Лондоны Олимпиадæйы призер Ӕлбегты Руслан, афтæ ма Катауты Сослан. Хъайтыхъты Алла стох кæндзæн 69 кг уæзы категорийы хорзæхты тыххæй, Наниты Тимур, Къæбысты Артур æмæ Зæгъойты Сослан архайдзысты 105 кг уæзы категорийы", — дзырдæуы хъусинаджы.

Турнир уагъд цæудзæн 31 июлæй 7 августы онг горæт Чебоксарыйы.

Ног хабӕртты лентӕ
0