ЦХИНВАЛ, 24 июл — Sputnik. Хуссар Ирыстоны уæвæг уæрæсейаг æфсæддон базæйы дæлхайæдтæ æрæвнæлдтой æфсæддон цæттæдзинады фæдыл егъаумасштабон ахуыртæм, аналогон ахуыртæ ма цæуынц Цæгат Кавказы уæвæг Хуссар æфсæддон зылды 58-æм æфсады дæлхайæдты æмæ баиугæндты дæр, хъусын кæны къуырисæры ХӔЗ-ы пресс-службæ.
Зылды информацимæ гæсгæ, ахуырты хайад райсдзысты 16 мин службæгæнæджы æмæ 4 мин иуæгæй фылдæр хæстæрмæджытæ æмæ æфсæддон техникæ. Ахуырты рæстæджы æфсæддон службæгæнджытæ бакусдзысты сæрмагонд сконды архæйдтыл фæдисы сыстын кæныны, хæцæнгарз æмæ экипировкæ райсыны, техникæ цæттæ кæныны рæстæджы.
Зылды пресс-службæйы ма банысан кодтой, офицертæ практикон æгъдауæй кæй сахуыр кæндзысты дæлхайæдты æфсæддон цæттæдзинад бæрзонддæр кæныны фæдыл перспективон фæдыздæхттæ. Къуырион ахуырты æмæ тренировкæты фæстиуæг суыдзæн дæлхайæдтæн æфсæддон цæттæдзинады фæдыл иумæйаг домæнтыл бакуыст.
