ЦХИНВАЛ, 24 июл — Sputnik. Цæгат Ирыстоны агурынц фæндагон-транспортон цауы зианбаййафæг нæлгоймаджы, кæцыйы, куыд æнхъæлынц, афтæмæй аласта цæугæдон, фехъусын кодта 15 регион республикон УУМ.
Фæндагон фыдбылыз æрцыд трассæ Дзæуджыхъæу — Хъобаны 20-æм километрыл.
"Автомашинæ "Лада-Приора"-йы шофыр не ′сырæхстис машинæ скъæрын æмæ сæмбæлд бæласыл. Зианбаййафджытæй иуы фæхæццæ кодтой Республикон клиникон рынчындонмæ, фæлæ цы информаци ис, уымæ гæсгæ, уый машинæйы иунæг нæ уыд", — дзырдæуы хъусинаджы.
Ныртæккæ ирвæзынгæнджытæ сгарынц цæугæдоны донвæд, кæдæм, куыд æнхъæлынц, афтæ раппæрстæуыд дыккаг нæлгоймаджы.
