ЦХИНВАЛ, 25 июл — Sputnik. Юниорты æхсæн Европæйы чемпионаты ирон дзюдоисткæ Таймæзты Мæдинæ рамбылдта æвзист майдан, хъусын кæны газет "Слово".
Таймæзты чызг ауагъта фондз ныхмæлæуды, уыдонæй цыппар балхынцъ кодта æмгъуыдæй раздæр. Финалон тохы уый фæхæрд ис немыцаг спортсменкæ Алина Боемæн.
"Райгонд дæн мæ архайдæй, фæлæ финалон тох фембылдтæн рæдыды тыххæй, кæд æмæ мæ бон уыд рамбулын. Хорз райдыдтон, фæлæ партеры мæхи ауагътон", — загъта дзюдоисткæ.
Европæйы кубок уагъд цыд Чехийы столицæ — Прагæйы.
Таймæзты Мæдинæйы ерыстæм цæттæ кодта тренер Джиоты Герас.
