ЦХИНВАЛ, 28 июл — Sputnik, Босыкты Наталья. Уæрæсейы сгуыхт артист Плиты Нодар æмæ Цæгат æмæ Хуссар Ирыстоны сгуыхт артисткæ Бекъойты Дина сæххæст кæндзысты ирон кафт "Хонгæ" Цæгат Ирыстоны Дæргъæвсы комы Чызджы хохы цъуппыл.
Дуэт сæххæст кæндзæн ирон "Хонгæ" зарæгмæ "Цы сусæг кæнон" Долорес Билаонты æххæстæй. Ралæуд ист æрцæудзæн камерæйыл, дарддæр видеоклипæй спайда кæндзысты артисткæйæн нывонд документалон фильмы.
Хохы цъупмæ сцыд уыдзæн 29 июлы Уæрæсейы сгуыхт артисткæ, оперон зарæггæнæг Билаонты Долоресы райгуырдыл 80 азы сæххæсты цытæн юбилейон мадзæлтты фæлгæтты.
Зынгæ ирон оперон зарæггæнæджы цытæн, сцыды фæстæ, артисттæ ногæй сæххæст кæндзысты кафт Дзæуджыхъæуы Сæрибардзинады фæзуатыл.
