ЦХИНВАЛ, 1 авг — Sputnik, Босыкты Наталья. Хуссар Ирыстоны арæнхъахъхъæнджытæ æрурæдтой Гуырдзыстоны æмбæстаджы паддзахадон арæны режим фехалыны тыххæй, фехъусын кодтой паддзахадон æдасдзинады комитеты (ПӔК) пресс-службæйы.
"28 июлы Хуссар Ирыстон æмæ Гуырдзыстоны паддзахадон арæныл Ленингоры районы Ахмадзы хъæуы цур паддзахадон арæн фехалыны тыххæй ахст æрцыд Гуырдзыстоны æмбæстаг", — фехъусын кодтой ПӔК-ы.
Ведомствæйы банысан кодтой, азымгонд кæй разынд гуырдзиаг горæт Каспийы 31-аздзыд цæрæг Къудухты Леван.
ПӔК-ы арæнгæрон службæ уадзы равзæрст, скъуыддзаг цæуы æрмæджытæ тæрхондонмæ адæттыны фарст.
